Օրինական ամուսնություն Ֆեյսբուքով?
Lex rei sitae սկզբունքի համաձայն իրավահարաբերությունը ղեկավարվում է այն վայրի օրենսդրությամբ, որտեղ վերջինս կատարվում է:
Հայաստանում տանը նստած Ֆեյսբուքն օգտագործելիս Ձեր գործողությունները չեն կարգավորվում ՀՀ օրենսդրությամբ: Համակարգչի միջոցով Ձեր կատարած գործողությունները արտացոլվում են աշխարհի մյուս ծայրում տարբեր նահանգներով սփռված բազմաթիվ համակարգիչներից և սերվերներից բաղկացած ֆեյսբուքյան համակարգում և հետևապես կարգավորվում են վերջինիս գտնվելու վայրի օրենսդրության ներքո:
Ֆեյսբուքի գրասենյակը գտնվում է ԱՄՆ Կալիֆորնիա նահանգում, սակայն ֆեյսբուքի օգտագործման պայմանագրի համաձայն միայն ֆեյսբուքի և Ձեր միջև հարաբերություններն են կարգավորվում Կալիֆորնիայի օրենսդրությամբ (http://www.facebook.com/terms.php):
Մնացած իրավահարաբերությունները կարգավորվում են lex rei sitae սկզբունքի ներքո:
Համաձայն ԱՄՆ Տեխաս նահանգի օրենսդրության` անձին մի քանի անգամ որպես Ձեր կինը կամ ամուսինը հայտարարելիս տեղի է ունենում օրինական ամուսնություն (http://legal-forms-kit.com/legal-jokes/dumb-laws.html):
Եթե Ֆեյսբուքում հայտարարեք, որ ամուսնացել եք, ապա դա կհանդիսանա բազմակի հայտարարություն, որովհետև իրականացվել է սոցիալական ցանցում, իսկ հարաբերությունը տեղի կունենա Ձեր և մյուս անձի միջև (ոչ Ֆեյսբուքի): Ձեր գործողությունները արտացոլվելով ԱՄՆ տարբեր նահանգներում գտնվող սերվերներում չեն ունենա իրավաբանական հետևանքներ, բայց այն պահից սկսած, երբ դրանք կարտացոլվեն Տեխասում գտնվող սերվերում, կգործի Տեխասի օրենսդրությունը, և մեխանիկորեն կդառնաք իսկապես ամուսնացած:
Այն մարդկանց, ով արդեն արել է նման բան, կարող ենք շնորհավորել ամուսնության կապակցությամբ և մաղթել երկար ամուսնական կյանք: Ի դեպ, կարող եք պահանջել նաև ՀՀ իրավապահ մարմիններից գրանցելու Ձեր ամուսնությունը, որովհետև նման պարագայում պետական մարմինները նորից պետք է առաջնորդվեն արտասահմանյան օրենսդրութմաբ ;)
Բաժին` Հումոր. 02.04.2011թ.
Առարկա: lex rei sitae, Ամուսնություն, Տեխաս, Ֆեյսբուք.
«հասցե»
Աաաաա!!! Փաստորեն, կարելի է օրիանականորեն ամուսնանալ առանց զաքս գնալու!!!! Դզեեեեց!!!
Եւս մեկ Ձեւ տղաների համար, որ գլուխ պահեն